Атамбаев мықты! «Қырғыз президенті кім болатынын Путин шешпейді» дейді

Қырғызстан президенті Алмазбек Атамбаев Euronews телеканалына берген сұхбатта Ресей президенті Владимир Путин өзінің сапарында Кремльге кімнің президент болуы лайықты екенін меңзейді деген сөздерге жауап берді, - деп хабарлайды 365info.kz сайты.

Оның сөздерінше, бұл абсурд. «Бұл жөнінде елді абсурдтық жағдайға жеткізген кейбір саясаткерлер айтып жүр. Қырғызстан барлық көршілерге тәуелді болды. Олар газ, электр бермей қойып, шекараны жауып тастауы мүмкін еді. Біз қазір мүлдем басқа елміз. Владимир Путин бұл үшін келе жатқан жоқ. Бізге талқылайтын мәселе жетеді. Ал президент кім болу керектігін не Мәскеу, не Вашингтон шешпейді, Қырғызстан азаматтарының өздері шешеді. Маған сеніңіздер. Бұл енді тіпті басқа мемлекет. Біз өз мәселемізді өзіміз шешеміз», — деді Алмазбек Атамбаев. Ресей президенті Владимир Путиннің Қырғызстанға сапары ақпан айының соңында жоспарланған.