Қазақстан мен Тәжікстан президенттері Астана қаласының Бас мешітіне барды

Қазақстан мен Тәжікстан президенттері Астана қаласының Бас мешітіне барды, деп хабарлайды Ақорданың баспасөз қызметі.

Қазақстанның бас мүфтиі Наурызбай қажы Тағанұлы Құран сүрелерін оқып, екі елдің халқына бейбітшілік пен бақ-береке тіледі.

Мемлекеттер басшылары Орталық Азиядағы ең үлкен мешіттің сәулетімен танысты.

Айта кетейік, Тәжікстан Президенті Эмомали Рахмон жұмыс сапарымен Қазақстанда жүр.

Осы сапар аясында Президенттер шағын құрамда келіссөздер жүргізді.

Сондай-ақ Мемлекеттер басшылары Тәжікстанның халық шығармашылығы көрмесін аралап көрді.

Президенттер Қазақстандағы Тәжікстанның мәдениет күндерін ашты.