Экология министрлігінің мамандары Бурабайда ағаш кесілген жерге жіберілді

ҚР Экология, геология және табиғи ресурстар министрлігінің мамандары Щучинск-Бурабай курорттық аймағындағы ағаш кесілген жерге жіберілді, деп жазды baq.kz. Бұл туралы ведомство басшысы Мағзұм Мырзағалиев Twitter-дегі парақшасында жазды. "Президенттің тапсырмасы бойынша,Щучинск-Бурабай курорттық аймағындағы ағаш кесілген жерге мамандар жіберіліп, тергеп-тексеру жүргізілуде. Бұл жайсыз оқиғаның тексеру барысын бақылауда ұстаймыз. Министрлік заңсыз ағаш кесу бойынша жауапкершілікті қатаңдатуды жоспарлап отыр", - дейді министр. Естеріңізге сала кетейік, бұған дейін мемлекет басшысы Қасым-Жомарт Тоқаев Бурабайдағы ағаштардың кесілуіне наразылығын білдіріп, Үкімет пен жергілікті әкімдікке шара қабылдауды тапсырды.