Жазушының арманы: Баян Мақсатқызы 3 айда қанша кітап сатып үлгергенін айтты

Баян Мақсатқызы небәрі үш ай ішінде 20 мың дана кітап сатып үлгергенін айтып мақтанды.

[caption id="attachment_187215" align="aligncenter" width="600"] Сурет: Баян Мақсатқызының жеке парақшасынан[/caption]

Бұл туралы aktobetimes.kz-ке сілтеме жасап stan.kz хабарлайды.

– Дәл осы сәтке дейін қанша кітап сатып үлгердіңіз?

– 20 000 дана. Ешкім дәл бұлай өз кітабын сатпаған шығар. Бір жылда Гарри Поттердің 7 000 кітабы сатылған. Меніңше, 7 000 дана Гарри Поттер кітабы мен Баян кітабын салыстырсақ, Гарри Поттер ауырлау болады (күлді).

– Сізді бақытты әйел деп айтуға бола ма?

– Меніңше, шизофреник пен ақымақ қана толықтай бақытты бола алады. Мен бұл екеуінің де қатарында жоқпын. Сол себепті, өзімді толықтай бақыттымын деп айта алмаймын. Адамға әрдайым бірнәрсе жетіспей тұрады.

– Өзіңізді қандай тұлғамын деп есептейсіз?

– Мен бизнесмен емеспін, ақша да санай алмаймын. Мен оларды не үшін санау керектігін де түсінбеймін. Маған қытайлықтардың “Сүйікті ісіңмен айналыс – ақша өздігінен келеді” деген мақалдары ұнайды. Өз ісіңізді тапқан кезде, табысыңыз да жақсы болатыны анық. Сол себепті, өзімді бизнесменмін деп айта алмаймын.