Сәуір айының ортасында күн +25 °С дейін ысиды

Похожее изображение

«Қазгидромет» РМК сәуір айына арналған ауа райы болжамын ұсынды. Синоптиктердің болжамынша, көктемнің екінші айының ортасында еліміздің оңтүстігінде күн жылынып, сынап бағанасы +25 градусқа дейін көтеріледі, деп хабарлайды Baq.kz.

Сәуір айы суық, желді ауа райымен басталады. Еліміздің басым бөлігінде жауын-шашын және көктайғақ болады.

Ауа температурасы:

батыста – түнде 2...10 градусқа дейін аяз, күндіз 0...8 °С жылы;

еліміздің солтүстік, шығыс және орталық өңірлерінде түнде 5...15°С дейін аяз, күндіз 0...8 °С дейін аяз;

оңтүстік және оңтүстік-шығыста түнде 0 ... 5 °С, күндіз 5 ... 13 °С жылы.

Бірінші онкүндіктің соңына қарай Орталық Азия аумағынан жылы ауа массаларының ығысуынан күн жылынады, оңтүстікте тіпті ыстық болады деп күтілуде.

Термометр көрсеткіштері күндіз:

солтүстікте 8 ... 15 градусқа дейін жоғарылайды;

оңтүстікте 18 ... 25 градусқа дейін жылы болады.

Алайда екінші онкүндіктің ортасында солтүстік пен орталықта, ал екінші онкүндіктің соңында оңтүстік, оңтүстік-шығыс пен шығыста күн суытып, жауын-шашын болады деп болжануда.

Бұл кезде ауа температурасы:

еліміздің солтүстік жартысында түнде 2°С аяз, күндіз 3...8 °С жылы;

оңтүстік жартысында түнде 3...10 °С жылы, күндіз + 10...15 °С.

Алдын ала болжамға сәйкес, сәуір айының үшінші онкүндігінде жылы және жаңбырлы күндер басым болады:

Ауа температурасы:

солтүстік жартысында түнде 5 ... 10°С, күндіз + 10 ... 15°С дейін жоғарылайды;

оңтүстік жартысында түнде +10 ... 15°С, күндіз +15 ... 20°С.

Осылайша, орташа айлық температура Батыс Қазақстан, Ақтөбе облысының солтүстік жартысында, Қостанай облысының батыс бөлігінде қалыпты нормадан 1°C төмен, Оңтүстік Қазақстан, Жамбыл, Алматы және Шығыс Қазақстан облыстарында 1°С жоғары, қалған аймақтарда қалыпты норма төңірегінде болады деп болжанып отыр.