"قازاق ءۇنى" - قازاقستانداعى ۇزدىك ينتەرنەت سايت بايقاۋىنىڭ جەڭىمپازى!!!

باق: ورىسشا عانا سويلەيدى. اسەت يسەكەشەۆ ماسكەۋدىڭ مەرى مە؟

كەشە استانا اكىمى اسەت يسەكەشەۆ ەلوردا تۇرعىندارىنىڭ الدىندا ەسەپ بەردى. اكىم كەزدەسۋدە باس قالادا وتكەن جىلى اتقارىلعان جانە بولاشاقتا جاسالاتىن شارۋالار تۋرالى ايتتى.

ارينە، اكىمنىڭ بايانداماسىنان استانادا قىرۋار شارۋا اتقارىلىپ جاتقان ءتارىزدى. الايدا تۇرعىنداردىڭ سۇراقتارى باياندامادا ايتىلعان كەرەمەتتەرگە كەرەعار كەلىپ جاتتى. سوڭعى كەزدەرى قالا اكىمىنىڭ facebookتەگى پاراقشاسى مەن مەن WhatsApp-تاعى ءنومىرى حالىقتىڭ تالاپ-تىلەگىن تىڭداپ ءجۇر. دەسەك تە، ۇلەسكەرلەر الەۋمەتتىك جەلىگە بىرنەشە رەت حات جازعانىمەن، اكىم تاراپىنان جاۋاپ بولماعانىن ايتىپ شاعىمداندى.

ال قالانىڭ قارت تۇرعىنى اسەت ورەنتاي ۇلىن قوعام جانە مەملەكەت قايراتكەرى ەركىن اۋەلبەكوۆتەن ۇلگى الۋعا شاقىردى. قاريانىڭ ايتۋىنشا، اۋەلبەكوۆ رەزءىڭكە ەتىگىن كيىپ الىپ، تۇرعىندارمەن جاقىن قارىم-قاتىناس جاسايتىن. ال اسەت يسەكەشەۆ بولسا، جىلى كابينەتىنەن ۇزاپ شىقپايتىن اكىم بولىپ وتىر.

استاناعا سىرتتان كەلگىشتەر نەگە ءۇي العىش؟

قالا تۇرعىندارى بىرنەشە جىل بۇرىن پاتەر كەزەگىنە تۇرعانىمەن، ءوز كەزەكتەرىن تاپپاي قالعانىن ايتتى. بۇل سۇراققا اسەت ورەنتاي ۇلى ماردىمدى جاۋاپ بەرە المادى. تەلمان كەنتىنىڭ تۇرعىنى 2000 جىلى پاتەر الۋ ءۇشىن ارنايى كەزەككە تۇرعان كورىنەدى. ءبىر قىزىعى ونىڭ پاتەردە تۇرعان كەزەگى «جوعالىپ» كەتكەن.

ءوزىمنىڭ كەزەگىم جوعالىپ كەتكەننەن كەيىن 3 بالامدى پاتەر الۋ كەزەگىنە قويدىم. بالالارىمنىڭ بىرەۋى 2 توپتاعى مۇگەدەك، ەكىنشىسى قالالىق قالالىق سۋ ارناسىندا 10 جىل جۇمىس ىستەگەننەن كەيىن ىستىق پەن سالقىن سۋدىڭ سالدارىنان اۋرۋ بولىپ قالدى. ال ءۇشىنشى بالام اسكەري قىزمەتتە ەڭبەك ەتىپ جاتىر. ءبىر قىزىعى، سىرتتان قوسىلعان ازاماتتار پاتەردى تەز الىپ، ال ءبىز سياقتى قاراپايىم جاندار دالادا قالىپ وتىر، – دەدى اشىنعان ازامات.

اسەت ورەنتاي ۇلىنىڭ ايتۋىنشا، قالانىڭ پاتەر كەزەگىندە 40 مىڭنان استام ادام تۇر. دەسەك تە، ول تۇرعىن ءۇي ماسەلەسىن شەشۋ ءۇشىن بارلىق باعدارلاما ىسكە اسىرىلىپ جاتقانىن ايتىپ اقتالدى. ال كەزەكتىڭ نە ءۇشىن جوعالىپ كەتىپ جاتقانى تۋرالى اكىم ءلام-ميم دەمەدى.

شىنى كەرەك، سىرتى جارقىراعان استانانىڭ ىشىندە كۇرمەۋى قيىن ماسەلەلەر شاش-ەتەكتەن. ونىڭ ءبارىن اسەت ورەنتاي ۇلى ءبىر ساتتە شەشە الماۋى مۇمكىن. ويتكەنى، ەلورداعا ەلىمىزدىڭ ءار ايماعىنان كۇن سايىن جۇزدەگەن ادام كەلىپ جاتىر. ونىڭ ۇستىنە ونىڭ باس قالانىڭ باسشىسى بولعانىنا نەبارى 8-اق اي بولدى. بىراق ءبىزدىڭ كوڭىلىمىزگە ەڭ ۇلكەن كىربىڭ ۇيالاتقان نارسە – اكىمنىڭ ءوز بايانداماسىن باستان-اياق ورىس تىلىندە وتكىزگەنى بولدى.

ءسوزىنىڭ العاشقى 5 مينۋتىن عانا قازاق تىلىندە باستاعان اكىم، ودان كەيىن 1 ساعات بويى ورىس تىلىندە ەسەپ بەردى.

سوعان قاراعاندا، اسەت يسەكەشەۆ ءوزىن استانا قالاسىنىڭ اكىمى ەمەس، ماسكەۋ مەرى دەپ ويلاپ قالسا كەرەك.

اسلانبەك سەرعالي،

دەرەككوز: 365info.kz





7 پىكىر جازىلعان

پىكىر جازۋ
  1. سەرىك 18 اقپان، 2017، 10:28

    قازاقشا بىلمەيتىنى ۇيات ەكەن! بىراق وسىنداي əكىم، مينيسترلەر كوپ عوي ءبىزدىڭ ەلدە!

    جاۋاپ جازۋ
  2. امانتاي 18 اقپان، 2017، 11:05

    دامىعان ەلۋ ەلدىڭ قاتارىنا ەندىك دەپ جۇرگەن وركەنيەتتى قازاقستاننىڭ استاناسى وسىنداي بيىك دەڭگەيگە لايىق پا؟ ارينە استانانىڭ كوز تارتار، زاماناۋي كەسىن-كەلبەتى، وزىنە ءتان ايشىقتى،سىمباتتى الىپ قۇرلىستىرى، كوشەلەرى، شاعىن اۋداندارى كوپ.اسىرە سولجاعالاۋدىڭ ءسانى-دە سالتاناتى دا ەرەكشە.ءبىر كورگەن كوزگە ءبارى كەرەمەت سياقتى. ال شىندىعىندا استانانى باسقا ەلدەردىڭ استاناسىمەن سالىستىرۋعا كەلمەيدى. قالانىڭ شەتكى بولىكتەرى، كەڭەس داۋىرىندەگى جوندەۋ كورمەگەن ەسكى قۇرىستار، اۋىلدىق دەڭگەيدەگى ىعى،جىعى، كونە، قالاي-بولسا سولاي سالىنعان تۇرعىن ۇيلەر ەلىمىزدىڭ شەت جەرلەرىندە ەلەۋسىز قالعان اۋدان، قالالاردى ەرىكسىز ەسكە تۇسىرەدى. جەكە مەنشىك ۇيلەر قىس ماۋسىمىندا تۇگەلدەي كومىرمەن جىلىتىلادى. ايازدى كۇندەردى استانانىڭ اسپانىن كوك مۇراپ باسىپ، قارا ءتۇتىن تورلايدى، قويۋ تۇمانعا ورانادى. جەكە تۇرعىن ۇيلەردە سۋ، كارىس جۇيەسى اتىمەن جوق. سونىڭ سالدارىنان قالانىڭ بۇل وڭىرلەرىندە قولقانى جاپراتىن ك ۇلىمسى ءيىس جىل بويى اڭقىپ تۇرادى. ادامدار سۋدى تاسىپ ىشەدى. قۇددى ءبىر اۋىلداعىداي تىرلىك. سول باياعى سولجاعالاۋدا جول جاقسى. قالانىڭ شەت جاعىنداعى جول قىرىق تەسىك، كەدىر-بۇدىر، كوكتەمدە قار ەرىگەن كەزدە، جازدا جاڭبىرلى ماۋسىمدا تولارساعىمەن سۋ، باتپاق، لاي كەشكەن تۇرعىندار.رەتكە كەلتىرىلمەگەن كوشەلەر، جولدار، قۇرلىستار جەتەدى. رەتتىلىك، تازالىق جوق. قىسقاسى استانادا شەشىم-كۇتكەن الەۋمەتتىك ماسەلە شاش-ەتەكتەن. ەرتەڭ ەكسپو-عا كەلگەن قوناقتار وسى جايلارعا كۋا بولماي ما؟ قىسقاسى ماقتانۋعا ءالى ەرتەرەك.وسى ماسەلەلەر تاياۋ جىلداردا شەشىلۋى كەرەك. ويتكەنى استانا قازاقستاننىڭ ايناسى. بۇل ماسەلەلەردى شەشۋ تۇكتە قيىن ەمەس، ەڭ اۋەلى گاز كەلتىرۋ كەرەك. جول، سۋ، كارىس جۇيەسىن تارتۋ كەرەك. ملرد. ميللينداردى جەپ جاتقان جەمەڭقور شەنەۋىكتەردى تۇرمەگە وتىرعىزعانشا جەگەنىن جەلكەسىنەن شىعارىپ ۇرلاعان اقشانى قايتارتۋ كەرەك تە وسى اقشانى حالىقتىڭ تۇرمىستىق جاعدايىنا قاتىستى اسا ماڭىزدى جوعارىداعى ماسەلەلردى شەشۋگە جۇمساۋ قاجەت، بيۋجەتتەن وسى ماقساتقا بولىنگەن كولەمدى سومانى دا تالان-تاراجىعا سالماي تۇگەلدەي ەل يگىلىگىنە جۇمساۋ كەرەك. ول ءۇشىن قالاعا شارۋاشىلىقتى بەس ساۋساعىنداي بىلەتىن، قاتاڭ، تەگەۋىرىندى، تازا اكىم كەرەك. جاڭا اكىم كەلگەلى كوپ بولعان جوق.استانا تىرلىگىنە قاتىستى كەزەك كۇتتىرمەيتىن وسى ماسەلەلەردى شەشۋدە ناقتى ناتيجەگە جەتەر دەپ ۇمىتتەنەمىز

    جاۋاپ جازۋ
  3. Adish 18 اقپان، 2017، 13:36

    Eli ushin tugan er kaida

    جاۋاپ جازۋ
  4. رۋزا 18 اقپان، 2017، 18:26

    بايعۇس!

    جاۋاپ جازۋ
  5. قازاق 18 اقپان، 2017، 20:31

    مەملەكەتتىك ءتىل ول يدەولوگيا وسى ءتىل ارقىلى وتاندى سەزىنەدى،بولماسا ءبارى بەكەر.

    جاۋاپ جازۋ
  6. alau 18 اقپان، 2017، 21:17

    قازاقشا سويلەمەيتىن اكىم،مينيسترلەر جۇمىستان كەتۋىن جاپپاي تالاپ ەتۋ كەرەك!

    جاۋاپ جازۋ
  7. قولقويۋسىز 20 اقپان، 2017، 10:18

    :zhlau:

    جاۋاپ جازۋ

پىكىر جازۋ

ءسىز نە دەيسىز؟
*