"QAZAQ ÚNI" - QAZAQSTANDAǴY ÚZDIK INTERNET SAIT BAIQAÝYNYŃ JEŃIMPAZY!!!

LE FIGARO gazeti: Qazaq almasyn qutqarý qajet

 

Tanymal LE FIGARO gazetinde shyqqan tamasha maqala osylaı atalady. Otandastar, qazaqtyń jerinde álemdegi almalardyń týra maǵynasyndaǵy atasy ósedi. Adam ata men haýa ananyń da osy almadan dám tatqan bolýy da ǵajap emes. Jáne bul eshqandaı talqyǵa kelmeıdi. Biz – jer sharyndaǵy almalardyń otanymyz!

Malus sieversii atty bul ósimdik 65 mıllıon jasta ( Demek, Almatyǵa da sonsha jyl bolǵany ma? Eshkim senbegen aldyńǵy myńjyldyq mereıtoıdy tez ózgertý qajet). Eń birinshi ol týraly 1929 jyly Vavılov jazǵan. Zertteýdi KOKP basqan izin ańdyǵan bizdiń ǵalymymyz Aımaq Janǵalıev ómiriniń sońyna deıin jalǵastyrǵan edi. Bul ashylýdyń tarıhta qalýyna kóptiń eńbegi sińdi, biraq Katerın Peıkstiń róli atap kórsetýge turarlyqtaı. Ol bul týraly fılm túsirip, ǵalamdy moıyndatý úshin barlyq derlik ǵylymı zertteý ortalyqtaryn aralap shyqty. Bul fılmge men birer jyl bur arnaıy post jazǵan bolatynmyn. AKF Assosaııasynyń múshesi — Katrın. AKF óz múshelerinmen maqtanady. Jaraısyń Katrın!

Biraq bul almalarǵa búginde qaýip týyp otyr, olar joǵalyp ketýdiń az-aq aldynda tur. Gazettiń aıtýynsha, buǵan jergilikti ákimderdiń «SOQYRLYǴY» sep bolyp otyr (bilmestikten bolýy da múmkin). Eýropalyq Benetton Fondation qory olardy óz qamqorlyǵyna alýǵa nıet bildirip, dabyl qaǵyp otyr. Al bizdikiler qaıda? Bul jádigerlerdi Alataýdyń bókterinen saıajaı men kottedjder salýǵa asa yntaly ákimderimizden kim qutqarmaq? Bizde, tipti, ekologııa mınıstri de joq. Esesine, ekologııamyzdy qurdymǵa ketirip otyrǵan kómir óndirisin baqylaıtyn (energııanyń 75%-y)  energetıka mınıstrligi bar. Endi kıikterimizdi nemister, almamyzdy franýzdar men ıtalııalyqtar qorǵasyn. Analaryńyz tabıǵatty súıińizder! Bolmasa órkenıetti ult bolamyn dep júrip joıylyp ketýimiz ábden múmkin.

Ekonomıst, SB Capital (Parıj)
Derekkóz: 7kun.kz




Pikir jazylmaǵan

Pikir jazý
Áli eshkim pikir jazǵan joq! Birinshi bolyp pikir jazyńyz!

Pikir jazý

Siz ne deısiz?
*