"قازاق ءۇنى" - قازاقستانداعى ۇزدىك ينتەرنەت سايت بايقاۋىنىڭ جەڭىمپازى!!!

LE FIGARO گازەتى: قازاق الماسىن قۇتقارۋ قاجەت

 

تانىمال LE FIGARO گازەتىندە شىققان تاماشا ماقالا وسىلاي اتالادى. وتانداستار، قازاقتىڭ جەرىندە الەمدەگى المالاردىڭ تۋرا ماعىناسىنداعى اتاسى وسەدى. ادام اتا مەن حاۋا انانىڭ دا وسى المادان ءدام تاتقان بولۋى دا عاجاپ ەمەس. جانە بۇل ەشقانداي تالقىعا كەلمەيدى. ءبىز – جەر شارىنداعى المالاردىڭ وتانىمىز!

Malus sieversii اتتى بۇل وسىمدىك 65 ميلليون جاستا ( دەمەك، الماتىعا دا سونشا جىل بولعانى ما؟ ەشكىم سەنبەگەن الدىڭعى مىڭجىلدىق مەرەيتويدى تەز وزگەرتۋ قاجەت). ەڭ ءبىرىنشى ول تۋرالى 1929 جىلى ۆاۆيلوۆ جازعان. زەرتتەۋدى كوكپ باسقان ءىزىن اڭدىعان ءبىزدىڭ عالىمىمىز ايماق جانعاليەۆ ءومىرىنىڭ سوڭىنا دەيىن جالعاستىرعان ەدى. بۇل اشىلۋدىڭ تاريحتا قالۋىنا كوپتىڭ ەڭبەگى ءسىڭدى، بىراق كاتەرين پەيكستىڭ ءرولى اتاپ كورسەتۋگە تۇرارلىقتاي. ول بۇل تۋرالى فيلم ءتۇسىرىپ، عالامدى مويىنداتۋ ءۇشىن بارلىق دەرلىك عىلىمي زەرتتەۋ ورتالىقتارىن ارالاپ شىقتى. بۇل فيلمگە مەن بىرەر جىل بۇر ارنايى پوست جازعان بولاتىنمىن. AKF اسسوساتسياسىنىڭ مۇشەسى — كاترين. AKF ءوز مۇشەلەرىنمەن ماقتانادى. جارايسىڭ كاترين!

بىراق بۇل المالارعا بۇگىندە قاۋىپ تۋىپ وتىر، ولار جوعالىپ كەتۋدىڭ از-اق الدىندا تۇر. گازەتتىڭ ايتۋىنشا، بۇعان جەرگىلىكتى اكىمدەردىڭ «سوقىرلىعى» سەپ بولىپ وتىر (بىلمەستىكتەن بولۋى دا مۇمكىن). ەۋروپالىق Benetton Fondation قورى ولاردى ءوز قامقورلىعىنا الۋعا نيەت ءبىلدىرىپ، دابىل قاعىپ وتىر. ال بىزدىكىلەر قايدا؟ بۇل جادىگەرلەردى الاتاۋدىڭ بوكتەرىنەن ساياجاي مەن كوتتەدجدەر سالۋعا اسا ىنتالى اكىمدەرىمىزدەن كىم قۇتقارماق؟ بىزدە، ءتىپتى، ەكولوگيا ءمينيسترى دە جوق. ەسەسىنە، ەكولوگيامىزدى قۇردىمعا كەتىرىپ وتىرعان كومىر ءوندىرىسىن باقىلايتىن (ەنەرگيانىڭ 75%-ى)  ەنەرگەتيكا مينيسترلىگى بار. ەندى كيىكتەرىمىزدى نەمىستەر، المامىزدى فرانتسۋزدار مەن يتاليالىقتار قورعاسىن. انالارىڭىز تابيعاتتى سۇيىڭىزدەر! بولماسا وركەنيەتتى ۇلت بولامىن دەپ ءجۇرىپ جويىلىپ كەتۋىمىز ابدەن مۇمكىن.

ەكونوميست، SB Capital (پاريج)
دەرەككوز: 7kun.kz




پىكىر جازىلماعان

پىكىر جازۋ
ءالى ەشكىم پىكىر جازعان جوق! ءبىرىنشى بولىپ پىكىر جازىڭىز!

پىكىر جازۋ

ءسىز نە دەيسىز؟
*