Ғарышқа 6 миллиард теңгеге ұшып қайтқан Айымбетовтің шығыны биылғы бюджеттен төленеді

Қазақтың 3-ші ғарышкері Айымбетовтің космосқа ұшқанына кеткен шығын биылғы бюджеттен төленетін болды.

7d9c686114441647e71252c99fd48400_XL

Фото: khabar.kz

Қазынадан жұмсалатын соманың көлемі де аз емес. 6 миллиард 140 миллион теңге деп хабарлайды КТК арнасы.

Осы 6 миллиард теңгені Ресей тарапы биылдан қалмай алғысы келгендей. Мәскеуде осы қыруар қаржыны аударылуы туралы келісімдерге «Қазғарыш» пен «Роскосмос» өкілдері қол қойды.

Тәуелсіз Қазақстанның тұңғыш ғарышкері Байқоңырдан космосқа қыркүйектің 2-күні ұшып, 10 күннен кейін қайта оралған. Ашық космосқа шықпаса да, бірқатар ғылыми зерттеулер жасады.

Кейін елбасы Айдын Айымбетовке көрсеткен ерлігі үшін «Халық Қаһарманы» атағын берген болатын.

Дереккөз: КТК арнасы