Ұлы тұлғаларды гомосексуалист етіп бейнелеу – тікелей ұлтты қорлау!

Алматы қаласындағы Пушкин мен Құрманғазы атындағы көшелер қиылысында орналасқан көгілдірлер клубы күй атасы мен классик ақынның сүйісіп тұрған портретін қолдан салып, жалпақ жұртқа жарнама ретінде іліп үлкен жанжалдың туындауына себепкер болды. Ұлтжандылар мен қарапайым қоғам мүшелері бұл бассыздыққа бірден қарсы шығып, заң орындарына жүгінуде. Күй атасының әруағын қорлағаны үшін клубты түпорнымен өртеп жіберуге дайын екендіктерін білдіргендер де бар. Атақты атамыздың ұрпағы Нұркен Халықберген осы оқиғаға байланысты өз арызын Алматы қаласы Ішкі істер басқармасына өткізді. Қоғамымызға белгілі азаматтар мен қарапайым қала тұрғындары ұлтымызды қорлағандарды қатаң жазалауды талап етуде.

Алматы қалалық ІІБ басшысына Алматы қаласының прокурорына

АРЫЗ

23-24 тамыз аралығында Red Jolbors Fest жарнама байқауында қазақтың атақты күйшісі Құрманғазы мен орыстың ұлы ақыны Пушкиннің сүйіскен суреті жарнама байқауынан қола медаль алды. Бұл жарнаманың авторы - "Havas Worldwide Kazakhstan" ЖШС, тапсырыс беруші - ЛГБТ қауымдастығы. Жұмыс тобы мүшелері: Роман Стратийчук, Борис Климов, Ксения Березовская, Сергей Старых, Валерий Володин, Олжас Исенов. Бұл жарнамалық сурет әлеуметтік желілерде кеңінен таралып, халықтың наразылығын, ашу-ызасын тудырды.

Біріншіден, бұл жарнамалық суретте қазақ және орыс халқы үшін құндылық болып табылатын ұлы тұлғаларды осындай кейіпте суреттеу, яғни ұлы тұлғаларды гомосексуалист кейпінде бейнелеу тікелей ұлтты қорлау, алауыздық тудыру болып табылады. Сондықтан, ҚР Конституциясының 14-бабында, яғни «тегіне, әлеуметтік, лауазымды, мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне байланысты немесе кез келген өзге жағдаяттар бойынша ешкімді ешқандай кемсітуге болмайды» анықталған жайт бойынша тексеріс жүргізу қажет.

Екіншіден, аталмыш сурет тіркелмеген ЛГБТ қауымдастығының тапсырысын орындау болып табылады. ӘБтК 374-бабының бірінші тармағында «тіркелмеген қоғамдық ұйымдар жұмысына қатысса, АЕК елу айыппұл салуға әкеліп соғады». Сондықтан, осы тіркелмеген ұйым мүшелерін тауып, анықтауды, заңдық тұрғыдан қарастыруды сұраймыз.

Үшіншіден, бұл Қазақстан Республикасының «Жарнама туралы» заңының 6-бабын, яғни «Жарнама Қазақстан Республикасының конституциялық құрылысын күштеп өзгертуді, тұтастығын бұзуды, мемлекет қауіпсіздігіне нұқсан келтуріді, әлеуметтік, нәсілдік, ұлттық, діни, тектік-топтық және рулық араздықты қоздыруды, қатыгездік пен зорлық-зомбылыққа бас ұруды, порнографияны насихаттауға немесе үгіттеуге пайдаланылмауға, сондай-ақ Қазақстан Республикасының мемлекеттік құпияларын құрайтын мәліметтерді және заңмен қорғалатын өзге де құпияларды тарату үшін пайдаланылмауға тиіс» және 7- бабын, яғни «жеке тұлғалардың нәсіліне, ұлтына, тіліне, кәсібіне, әлеуметтік жағдайына, жасына, жынысына, діни, саяси және өзге де нанымына қатысты қорлайтын сөздерді, теңеулерді, бейнелерді пайдалану арқылы жалпыға бірдей қабылданған ізгілік пен мораль нормаларын бұзатын мәтіндік көріністі, дыбыстық ақпаратты қамтитын; ұлттық немесе әлемдік игілік болып табылатын өнер, мәдениет объектілеріне, тарих ескерткіштеріне нұқсан келтіретін жарнама әдепсіз жарнама болып табылады» дегенін өрескел бұзып тұр. Ал ӘБтК 349-бабы бойынша «Қазақстан Республикасының заңдарымен жарнамалауға тыйым салынған тауарлардың жарнамасын шығару, тарату, орналастыру және пайдалану жеке тұлғаларға АЕК елуден жүзге дейінгі мөлшерінде, шағын және орта кәсіпкерлік субьектілері жүзден жүз елуге дейінгі мөлшерінде айыппұл салуға әкеліп соғады» деп көрсетілген. Сондықтан, аталмыш жарнамалық сурет авторларын, тапсырыс берушілерін заңдық жауапқа тартуды сұраймыз.

Осы көрсетілген жайттар бойынша тез арада заңдық тексеріс жүргізіп, шара қабылдауды сұраймыз.

Ruslan Zheldibay Фейсбуктегі парақшасынан