"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Министрлік жүргізушісі қызметтік көлікпен ұрлық жасауға барған

Күдікті ретінде ұсталған Денсаулық сақтау министрлігінің жүргізушісі қызметтік көлікті пайдаланып, ұрлық жасаған. Бұл туралы Астана Ішкі істер департаментінің баспасөз қызметі мәлімдеді, деп хабарлайды Baq.kz ақпарат агенттігі.

Полицияға үйдің жанында тұрған «Камаз» көлігінен белгісіз біреулер аккумуляторды ұрлап кеткені жөнінде арыз келіп түседі. Осындай шағыммен тағы да бір жәбірленуші «көліктен 2 аккумуляторды ұрлап кетті» деп хабарласады.

«Астана қаласы ІІД криминалдық полиция қызметкерлері жедел-іздестіру іс-шараларын жүргізу барысында қала мекемесінің бірінде жүргізуші болып жұмыс істейтін 31-жасар Ш есімді азаматты ұстады. Ол ұрланған заттарды қызмет көлігін (шағын автобус) пайдаланып шығарған», – деп мәлімдеді департаментте.

Қазіргі уақытта ҚР Қылмыстық кодексінің 188-бабына сәйкес сотқа дейінгі тергеп-тексеру жүргізіліп жатыр. Сонымен қатар ұсталған күдіктінің бұрын жасалған қылмыстарға қатысы бар-жоқтығы тексерілуде.





2 пікір жазылған

Пікір жазу
  1. Түңілген 14 Қараша, 2017, 23:09

    Өй, соны да сөз деп, «жерден жеті қоян тапқандай», әлде қандай қылып жазып отырсыңдар ма?! Дәл сол министрлердің өздері миллиардтап ұрлап, миллиондаған долларлап пара алып, ұсталып, сотталып жатқан жоқ па? Жүргізушілер де өздерінің қолы жеткен жерге дейін ғана ұрлай алады да.

    Жауап жазу
  2. Қолқоюсыз 14 Қараша, 2017, 23:36

    Түңілген деген адвокат өзі осыған қатысқан жоқ па екен.

    Жауап жазу

Пікір жазу

Сіз не дейсіз?
*