"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Астанада Еуразия дамуының келешегі талқыланды

Назарбаев Орталығы ғимаратында Астана клубының үшінші отырысы өз жұмысын жалғастыруда. Бұл туралы «Қазақ үні» ұлттық порталының тілшісі хабарлайды.

Халықаралық пікірталас алаңы 27 елден келген 60-тан астам қатысушының басын біріктірді. Олардың қатарында саяси қайраткерлер, беделді ғалымдар мен АҚШ, Ресей, Қытай, Үндістан, Еуропа елдері, Таяу Шығыс, Орталық және Оңтүстік-Шығыс Азия «ақыл-ой орталықтарының» алдыңғы қатарлы сарапшылары бар. Алғаш рет Клуб жұмысына ең жоғары деңгейлі саясаткерлер – экс-мемлекет басшылары Абдолла Гүл (Түркия), Вацлав Клаус (Чехия), Данило Тюрк (Словения) қатысуда.

Астана клуб сессияларына жаһандық сарапшылық қауымдастықтың ірі тұлғалары – Джордж Фридман (Stratfor негізін қалаушы), Эндрю Качинс (Джорджтаун университеті, АҚШ), Эдвард Люттвак (Стратегиялық және халықаралық зерттеулер орталығы, АҚШ), Фредерик Старр (Джонс Хопкинс университеті, АҚШ) және т.б. қатысады.

Астана клуб ұйымдастырушылары – Қазақстан Республикасының Тұңғыш Президенті – Елбасы Қоры мен Қор аясында қызмет ететін Әлемдік экономика және саясат институты (ӘЭСИ).

ҚР Тұңғыш Президенті – Елбасы Қорының атқарушы директоры Қанат Жұмабаевтың сөзінше, Астана клубы ауқымындағы Үлкен Еуразияның түйткілді мәселелері мен келешегі туралы сарапшылық талқылаулар, Қазақстан Президенті Нұрсұлтан Назарбаев ұдайы насихаттап жүрген ашықтық пен тең қарым-қатынас ұстанымына негізделген жаһандық саяси диалогты нығайтуға қосылған сүбелі үлес болып табылады.

Отырыстың негізгі тақырыбы – «Үлкен Еуразия-2027: текетірес немесе серіктестік» – өзекті сын-тегеуріндер, қауіптер, ықтимал қатерлер мен стратегиялық шешімдерді талап ететін жаһандық саясат мәселелері секілді кешенді сұрақтардан құралған.

Клуб мүшелері алдағы онжылдықта мегаконтиненттің даму бағдарын айқындайтын негізгі трендтерді талқылады. Соның ішінде, әлемдік және аймақтық державалар мүдделерінің өзара қатынасы, ядролық фактор мен геосаяси шиеленістердің ушығуы, сауда және санкциялық текетірестер, халықаралық терроризм мен қауіпсіздік, миграция мен экология, интеграциялық үрдістер мен экономикалық серіктестік.

– Астана өзін ең жоғары саяси деңгейдегі диалогтар өтетін жаһандық бейтарап алаң ретінде көрсете білді. Дәл осы фактор шынайы қызығушылық тудырып, жаңа қатысушыларды отырысқа тартуда, – деді ӘЭСИ директоры Ержан Салтыбаев.

Астана клуб отырыстары сарапшы пікірлерінің толық анонимдігі сақталатын «Chatham house» ережесі бойынша өткізіледі. Мұндай ұстаным шынайы әрі сенімді кәсіби сұхбат құруға мүмкіндік береді.

«ЕО – Үлкен Еуразия: серіктестік пен даму векторлары» атты саясаткерлердің ашық панельді сессиясында жеке блок ретінде ЕАЭО, ЕО, АСЕАН мен Қытайдың «Белдеу мен жол» бастамасы секілді еуразиялық кеңістіктегі интеграциялық үрдістер мен интеграциялық жобаларды нәтижелі үйлестіру жолдары қаралды.

Астана клубы аясындағы пікірталастар барысында қатысушылар қауіпсіздіктің жаңа архитектурасын қалыптастыру, Корей түбегіндегі шиеленіс жағдайындағы ядролық қарусыздандыру, Еуропадағы ағымдағы жағдай мен Орталық Азиядағы негізгі үрдістер секілді ең өзекті мәселелерге басым назар аударды. Жетекші саясаткерлер мен сарапшылар Қазақстанның жаһандық және аймақтық үрдістердегі медиатор мен интегратор ретіндегі ұстанымын тағы да атап өтті.

– Қазақстанның халықаралық аренадағы беделі мен жеке Нұрсұлтан Назарбаевтың рөлі жаһандық сарапшылық қауымдастық тарапынан жоғары бағаланады. Бұл жерде біздің антиядролық қозғалыс, текетірес пен дағдарыс жағдайларын реттеу, еуразиялық кеңістікте интеграциялық үрдістерді дамытудағы үлесіміз бен көшбасшылығымыз жайлы айтып отырмын, – деді ӘЭСИ директоры Ержан Салтыбаев.

Жалпы, үшінші отырыстың қатысушылары Астана клуб халықаралық сарапшылық диалог үшін жағдай жасайтын бейтарап пікірталас алаңы ретінде танылғанын айтты. Ол беделді мамандар, саясаткерлер мен әлемнің түкпір-түкпірінен келген дипломаттар үшін тартылыс орталығына айналды. Астана клуб форматы өзінің қажеттілігін дәлелдеді, оның отырысы асындағы жаһандық мәселелерді талқылау алдағы уақытта да жалғасын табады.





21 пікір жазылған

Пікір жазу
  1. Сотовик 13 Қараша, 2017, 17:07

    наверно все закончилось хэппи ендом

    Жауап жазу
  2. Тень 13 Қараша, 2017, 17:08

    латын туралы сөз қозғалдыма екен?!

    Жауап жазу
  3. Дося 13 Қараша, 2017, 17:09

    Не дейміз енді сөзге кедейміз демекші… деп бастаған біреу бар ма екен

    Жауап жазу
  4. Армагедон 13 Қараша, 2017, 17:11

    мен де қатысқандағо көкейкесті тақырыптарды көтеруші едім

    Жауап жазу
    • Нұрбай 13 Қараша, 2017, 18:19

      көкейтесті тақырыптарды ойлап жүріп, қатыспай қалғаныңыз қиын бопты

      Жауап жазу
  5. Шона 13 Қараша, 2017, 17:12

    Назарбаев орталығы деген әлгі кесе ма?!

    Жауап жазу
    • Береке 13 Қараша, 2017, 17:19

      Қандай кесе қарағым ау?

      Жауап жазу
      • Қолқоюсыз 13 Қараша, 2017, 17:29

        төңкерілген кесе ме,тоңқайған қол шатыр ма,қайсысын айтасыз?
        не болса,сол болсын,елде жоқ,жерде жоқ қылып,салфеткаға сызбасын сала салсаң болды.архитектура ғайыптан пайда бола салады.

        Жауап жазу
  6. Жанка 13 Қараша, 2017, 17:17

    Еліміздің халықаралық аренадағы орны әрине ерекше бағаланады!

    Жауап жазу
    • Қолқоюсыз 14 Қараша, 2017, 10:08

      Да ты че ? Басынан аяғына дейін Орысша сөйлеген президент қай Елдің президенті екенін түсбей қалдым.

      Жауап жазу
  7. Моди 13 Қараша, 2017, 17:18

    Болашағымыз бұлыңғыр болмаса болды

    Жауап жазу
    • Ақнұр 13 Қараша, 2017, 18:16

      жақсы ойлаңыз, жақсы сөйлеңіз. сонда жамандық болмайды

      Жауап жазу
  8. Нурик 13 Қараша, 2017, 17:20

    Осындай үлкен басқосуларға қатысып көргім келеді

    Жауап жазу
  9. Мансұр 13 Қараша, 2017, 17:24

    Антиядролық қарудан бас тартқанымыз көптеген елдерге үлгі болды. Осылай жақсылықтың жаршысы болып жүре берейік

    Жауап жазу
  10. Гоха 13 Қараша, 2017, 17:26

    Елімізідің қаншалықты Еуразия континетіндегі елдер арасындағы беделін көріп, мақтанып отырмын

    Жауап жазу
  11. анкау 13 Қараша, 2017, 17:43

    бундай гимарат барын биринши рет естип турмын кашан салып успет еткен.молодец.

    Жауап жазу
  12. Шахо 13 Қараша, 2017, 18:10

    Оебоооо мықты жиын болғаны көрініп тұр. мықты кісілер қатысқан ау

    Жауап жазу
  13. Мария 13 Қараша, 2017, 18:14

    Астана Еуразия жүрегі! Жүректегі жиын құтты болсын!)))))))))

    Жауап жазу
  14. Аманат 15 Қараша, 2017, 09:38

    кеше Россия 24 айтты, қазақтар Астананы евразияның нүктесі деп жатыр, қалай өлшеген ? -деп.Бізден басқа жұрт олай ойламаса керек. Бізге айта бергеннен кейін бізде » жүрегі»-дейтін шығармыз.

    Жауап жазу

Пікір жазу

Сіз не дейсіз?
*