"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Қазақстанда жасанды ұрықтандыру арқылы 14 мың бала дүниеге келді

Картинки по запросу жасанды ұрықтандыру

Қазақстанда жасанды ұрықтандыру арқылы 14 мың бала дүниеге келді. Бұл туралы бүгін елордада өтіп жатқан Қазақстанның репродукивті медицина қауымдастығының 9-шы халықаралық конгресі барысында ҚР Денсаулық сақтау вице-министрі Ләззат Ақтаева айтты, деп хабарлайды ҚазАқпарат.

«Қазақстанда қосалқы репродуктивті технологиялардың көмегімен 14 мың бала дүниеге келді. Тегін медициналық көмектің кепілдендірілген көлемі аясында 4783 цикл жасалып, оған мемлекет 3,8 млрд теңге жұмсады. Нәтижесінде 1532 бала дүние есігін ашты. Толықтай алғанда тегін медициналық көмектің кепілдендірілген көлемі аясындағы нәтиежілік 32 пайызды құрады», – деді вице-министр.

Оның дерегінше, Қазақстанда 14 мыңнан астам әйел мен 1 мыңнан естам еркек бедеулігіне байланысты диспансерлік есепке алынған. Жалпы елімізде отбасылардың 15 пайызы бедеулікке ұшыраған.

«Дүниежүзілік денсаулық сақтау ұйымының мәліметінше, некедегі мұндай бедеулік көрсеткіші проблема болып саналады. Өйткені, бұл деңгей демографиялық көрсеткішке әсерін тигізеді», – деді ол.

Айта кетерлігі, экстракорпоральды ұрықтандырудың арқасында Қазақстанда бірінші бала 1996 жылы дүниеге келген болатын. Ал 2010 жылдан бастап экстракорпоральды ұрықтандыру тегін медициналық көмектің кепілдендірілген көлеміне енгізілді және оның көлемі жылдан жылға артып келеді. Мәселен, 2010 жылы жылына 100 циклге (жасанды ұрықтандыру) мемлекет қаржы бөлетін болса, ағымдағы жылы бұл көрсеткіш 900 циклге жетіп отыр.

«Келесі жылға арналған мемлекеттік тапсырыс 2017 жылғы шекте, яғни 900 цикл болады. Қаржыландыру көлемі де дәл сондай», – деді Ләззат Ақтаева.





13 пікір жазылған

Пікір жазу
  1. Қолқоюсыз 10 Қараша, 2017, 17:08

    Е Кудай соны да жаналык деп, укыметтын кезынде совхоздарда койларды отарлап-отарлап колдан урыктандыратын. Оданда аншылердын кайсысы неше байга тиды нешыншы катын алды, кайсысы ойнаста жур соны жазбайсындарма.

    Жауап жазу
  2. Аскар 10 Қараша, 2017, 19:02

    ең бастысы жылдар бойы ақшаларын сәби сүю үшін жинаған отбасыларға бұл қандай көмек десеңіздерші, мемлекеттің бұл зор көмегі деп білеміз

    Жауап жазу
  3. Айгүл 10 Қараша, 2017, 19:08

    Осы проблема әр жыл сайын өзекті болып бара жатыр. Жастарымыздың денсаулығы ма, экология ма, кім білсін. Дегенмен, медицинамызды жақсарту керек деп ойлаймын.

    Жауап жазу
  4. Арман 10 Қараша, 2017, 19:55

    Медициналық сақтандырудың тармағында жасанды ұрықтандыру болса, қаншама отбасыға бақыт әкеледі. Осы үшін ғана сақтандыру қорына ақша жинауды бастау керек.

    Жауап жазу
  5. Аяла 11 Қараша, 2017, 09:50

    енді 2020 жылға дейін медициналық сақтандыруды енгізудің уақытын жылжытты ғой, ал енді тағаттана тосатын болады қаншама жағдайы ақылы эко-ға жетпейтін отбасылы әйелдер

    Жауап жазу
  6. Қайсар. 11 Қараша, 2017, 13:26

    90-жылдары үйде ауылдан басқа жерді көрмеген əжелеріміз айтушы еді.-» шырақтарым, қытайдың кəмпиттерін жемеңдер, ұрпақсыз қаласыңдар «-деп. Шынында да, сол кезде неше түрлі иісі бар қаламсаптар мен киімдер, кəмпиттер толып кетті ғой. Содан ба деймін, үйленгендердің үй бола алмай жүргендері. Торсықтары əбден құрғап қалған, жəне тұрмайды да. Əсіресе 1975-жылдардан бергі қарайлары. Экология да əсер етуі мүмкін. Бірақ мен ойлаймын, қазіргі басына тартсаң, көтіңе жетпей жатқан, үйді көрмей, өліп -талып 2-3 жұмыс істеп жүрген, кредит төлеу үшін ғана тірлік жасатқан заман кінəлі ме деп.
    Əу, баста осындай боларын біліп, тонды пішіп қойған адамдар болса, сүйінші, армандарыңа жеттіңдер!

    Жауап жазу
  7. Айғаным 11 Қараша, 2017, 20:13

    Осы міндетті медсақтандыру айналасында орын алып жатқан пікір таластар мен түрлі эксперттердің мақалалары болмаса, осы ақпаратты оқып, ЭКО сонау 2010 жылдан бері тегін медициналық көмектің құрамына кіретінін ары қарай білмей жүре беруші едім.

    Жауап жазу
  8. Алдан 25 11 Қараша, 2017, 20:41

    бұрында тек теледидардан ғана осындай жаңалықтарды көріп, оқитынбыз, енді қазір өз елімізде де қолға алынып отыр, қуанып отырмын елім үшін, медицина дамып келеді

    Жауап жазу
  9. Амина 15 Қараша, 2017, 14:09

    Жасанды ұрықтандыру жайлы тек шетелдік бағдарламалардан көруші едім, енді біздіңде елімізде болатыны қандай жақсы. Қаншама отбасыны сақтап, қаншама отбасыны бақытты ететін медицинаның бір ғажабы.

    Жауап жазу
  10. Қасым 15 Қараша, 2017, 14:12

    Сонда барлық қаржыландыруды өз мойнына медициналық сақтандыру алады ма? Жасанды ұрықтандыру шетелде өте қымбат тұрады деп естігем, Егер біздің елімізде аз болсада жас отбасыларға мемлекет тарапынан бала сыйлау мүмкіндігі болса, бұл керемет жаңалық!!!

    Жауап жазу
    • Сабина 15 Қараша, 2017, 15:12

      Иә, барлық қаржы жағы медициналық сақтандыру қорынан жүреді. 4 ай ішінде 18 млн тг фондқа жиналады деген мәлімет шықты. Демек, 2020 жылға дейін бізде белгілі база орнығады, сол ақша Экоға да бөлінетін көрінеді.

      Жауап жазу
      • Қолқоюсыз 15 Қараша, 2017, 15:40

        Басында алтын балық әперем,тегін емделу,әйтем-бүйтем,керемет қылам деп бір күні бұл да гуд бай болмасын.

        Жауап жазу
  11. Қолқоюсыз 15 Қараша, 2017, 20:29

    Гуд бай болмаса, бай-бай болады.

    Жауап жазу

Пікір жазу

Сіз не дейсіз?
*