"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Дулат Исабеков Лондонның лордтар палатасында сөз сөйлейді

Қуанышты хабар: ағамыздың үш кітабы бұрындары Лондонда ағылшын тілінде жарық көрген болса, енді оның 75 жасқа келуіне орай Лондонда «Дулат Исабеков фестивалі» өтпек екен. Фестиваль аясында қазан айының 1-күні «Жау жүрек» атты спектакльді Әуезов атындағы академиялық театр қояды. Қазан айының 2-күні қазақ жазушысы лордтар палатасында сөз сөйлемек. Осы арада атап өтерлігі, Исабеков қазақ жазушылары ішінде бірінші мәрте сол мінбеде сөз сөйлейтін жазушы болмақ. Ал түркі дүниесінде болса, үшінші жазушы. Өйткені Дулат Исабековтан бұрын  Шынғыс Айтматов, Орхан Памұқ сол мінбеге шығып сөз алған екен. Бұл біздің ойымызша, қазақ әдебиетінің әлемге танылуы барысында үлкен мәртебе, үлкен қуаныш. Жазушының ендігі арманы – кітаптарының Түркияда, Ыстамбұлда, түрік тіліне аударылып, жарық көруі. Құдай қаласа ол да болады деген үміттеміз.

Естеріңізге сала кетейік, жазушының бұған дейін үш кітабы ағылшын тілінде Лондонда жарық көрген. Олар: «Гауһартас» атты әңгімелер мен повестер жинағы. Жинақты Робин Томсон деген жазушы ағылшын тіліне аударған. Ол кітапқа «Гауһартас», «Сүйекші», «Өкпек жолаушы», «Ескерткіш операциясы», «Қабылан» атты әңгімелер енген. Екінші кітап «Біз соғысты көрген жоқпыз» (We never knew the war), үшінші аударылған кітап «Пьесалар жинағы». Сонымен қатар «Өкпек жолаушы» (Transit Passenger) атты пьесасы Лондонда 2014 жылы сахнаға шыққан екен. Ал қазан айының 4 күні болса жазушының «Аққу жібек» деген пьесасы қойылады.

Жазушы Дулат Исабеков мұның барлығының тәуелсіздіктің арқасы екенін айтуда. «Егер Кеңес Одағы кезінде осылай Лондонда кітабым шыққанда түрлі бәле жалалармен қудаланып кететінін едім», – дейді ол. Лондондағы осы іс-шаралар Дулат Исабековтің 75 жасына дөп келуде.

Сонымен жазушының 75 жылдығын атау Қазақстаннан бұрын Ұлы Британия елінде басталып кеткен екен. Дулат аға, 75 жасыңыз құтты болсын! Әрқашан сізді әдебиет пен мәдениеттің биігінен көретін болайық!

Әбдіуақап Қара

Тарих ғылымының докторы, Мимар Синан

көркем өнер университетінің профессоры

Abai.kz


Ілмектер:
Дулат Исабеков



8 пікір жазылған

Пікір жазу
  1. БОТАГӨЗ, ҚОСТАНАЙ 2 Қазан, 2017, 18:38

    Дулат мырза, Қазаққа маңызы зор жаңалық қой бұл. Құтты болсын, Сізді мақтан тұтамыз, дара жансыз ғой,«Гауһартас» көркем фильмі сіздің шығармаңыздың негізінде қойылған Қазақ киносының тарихынан орын алды. Аға, ғұмыр жасыңыз ұзақ болсын, қуаныш пен осындай шығармашылық мерекесі таусылмасын. Қазақ жазушылары ішінде бірінші мәрте сол мінбеде Лондонда сөз сөйлейтін Ағамызға сәттілік тілейміз.

    Жауап жазу
  2. Қолқоюсыз 4 Қазан, 2017, 18:03

    не айтты лордтарға, бүгін 4 қазан

    Жауап жазу
  3. Қолқоюсыз 4 Қазан, 2017, 23:23

    не сөйлепті, қазақша үйретті ме

    Жауап жазу
  4. Қолқоюсыз 5 Қазан, 2017, 06:12

    алдыменен жердегі,ана тілінің мәселесін шешіп тастау керек,одан кейін айға шабама,арыстанға шабама,өздері біледі.ана тілің аспандап тұрса,не істесеңде жарасады.

    Жауап жазу
  5. анкау 5 Қазан, 2017, 11:35

    бул кисинин продюсери не унсиз аитпаима халыкка лордтарга не соилегенин.нурлап куыпкетпеген шыгар деп оилаим.

    Жауап жазу
  6. Қолқоюсыз 6 Қазан, 2017, 12:46

    не сойледы

    Жауап жазу
  7. ан тан 20 Қазан, 2017, 01:22

    али соилеп жатырау деим хабар жокгои.алде биликти жагасына алдымекен.кеин аитпаи жатырган шыгар.

    Жауап жазу

Пікір жазу

Сіз не дейсіз?
*