Қазақ күресі тұңғыш рет Азия ойындарының бағдарламасына енгізілді

Похожее изображение

Балуандарымыз тұңғыш рет қазақ күресінен жабық Азия ойындарында өнер көрсетеді, деп хабарлайды ҚазАқпарат.

Түркменстанның астанасы Ашхабадта 17-27 қыркүйек аралығында өтетін V жабық Азия ойындарында қазақ күресінен үш салмақ дәрежесінде балуандарымыз ел намысын қорғайды.

Олар: Қасымхан Түленбаев (70 кг), Әділжан Ыстыбаев (90 келі) және Айбек Нұғымаров (+90 кг).

Осы орайда айта кетейік, төл күресімізді осы жарысқа қосу мәселесі өткен жылы Түркияның Ыстанбұл қаласында күрес түрлері жөнінде өткен форумда шешілген болатын.

Ал биыл Бүкіләлемдік күрес одағының (United World Wrestling) президенті Ненад Лалович пен Азия Олимпиада кеңесінің президенті Шейх Ахмед әл-Фахад әл-Ахмет әл-Сабах ұлттық күресімізді 2017 жылғы Азия ойындарының бағдарламасына енгізу келісіміне қол қойды.

Дүниежүзілік Қазақ күресі федерациясы президенті Ислам Әбішев. Қазақ күресі федерациясы бүгін бапталған балуандарымен  Ашхабадтағы   Азия чемпионатына аттанып кетті.