"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Qazkom акциялары Халық банкіне 1 теңгеге сатылады

Картинки по запросу казком

Фото: Today.kz

Қазкоммерцбанктің ірі акционерлері Халық банкімен сату-сатып алу келісімшартына қол қойды, – деп хабарлайды Tengrinews.kz тілшісі Қазкоммерцбанктің баспасөз қызметіне сілтеме жасап.

Баспасөз қызметінің мәліметінше, «Казкоммерцбанк» АҚ («Казкоммерцбанк») бүгін Кеңес Рақышев пен «Қазақстанның Халық Банкі» АҚ («Халық банкі») арасында, сондай-ақ «Самұрық-Қазына» ҰӘАҚ» АҚ («Самұрық-Қазына») мен Халық банкі арасында сату-сатып алу келісімшарттарына қол қойылған.

«Осы шартқа сәйкес Рақышев пен Самұрық-Қазына қоры өздеріне тиесілі Қазкоммерцбанктің акциялары пакетін Халық банкіге әр пакетін 1 теңгеге сататын болды. Аталған сату-сатып алу келісімшарттарына қол қою 2017 жылғы 2 маусымда ҚР Үкіметімен, ҚР Ұлттық Банкпен, «Самұрық-Қазына» ҰӘАҚ» АҚ, «Проблемалық кредиттер қоры» АҚ, Халық Банкі, «БТА Банк» АҚ және Қазкоммерцбанк пен Рақышев мырзамен қол қойылған Шекті Келісіммен қарастырылған», – делінген хабарламада.

Сондай-ақ, банк өкілдері осы мәміленің аяқталуы алдын ала қарастырылған бірқатар шарттардың орындалуына байланысты екенін айтып өтті.

Олар: «Проблемалық кредиттер қоры» АҚ-ның «БТА Банк» АҚ-нан жекелеген активтері мен талап ету құқығын сатып алуы; БТА Банктің Қазкоммерцбанк алдындағы 2,4 триллион теңге шамасында ссудалық берешегін өтеуі; Субханбердин мырзаға және «Орталық-Азия инвестициялық компаниясы» АҚ-на тиесілі Қазкоммерцбанктің акциялар пакетін Рақышев мырзаның сатып алуы және кейін оларды Халық банкіге сатуы және Қазақстанда бақылаушы органдардан стандартты және қолданылатын өзге де заңды рұқсаттарды алуы.

Мәміле жабылған соң Халық банкі 96,8 пайыз үлесімен Қазкоммерцбанктің негізгі акционері болатыны айтылады. Банк өкілдерінің айтуынша, мәміле 2017 жыл ішінде аяқталады деп болжанып отыр.





5 пікір жазылған

Пікір жазу
  1. Қолқоюсыз 16 Маусым, 2017, 16:14

    Не істерсің енді !..

    Жауап жазу
  2. Қолқоюсыз 17 Маусым, 2017, 11:44

    Ол қандай сауда,мағынасы қалай?

    Жауап жазу
  3. анкау 17 Маусым, 2017, 18:38

    тусиндириндерши милярдтап каржы жумсады казкомга окемет банкрот болмасын деп енди келип акциисын бир тенгеден халык банкке сатып жатыр бул не оиын?

    Жауап жазу
  4. Қолқоюсыз 17 Маусым, 2017, 18:40

    Ұлттық банктен сұрай ғой.

    Жауап жазу
  5. 4ке анкаудан 19 Маусым, 2017, 21:16

    ултык банктин казирги аинеккоз банкири пенсионныйды бурынгы банкир азирлерге берген деп еди бугин бурынгы такырбас банкири каита акишевке силтеп отыр бундай адамдардан сораганмен толк болмаса керек.

    Жауап жазу

Пікір жазу

Сіз не дейсіз?
*