Валюта бағамы USD : 335.24 | EUR : 395.82 | CNY : 50.65

"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

Мемлекет басшысы зиялы қауым өкілдерімен кездесті (ФОТО)

Кездесуге белгілі жазушылар Дулат Исабеков, Бексұлтан Нұржекеев және Смағұл Елубаев қатысты.

Елбасы өнердің, шығармашылықтың ел-жұрт пен бүкіл қоғам өмірінде маңызды орын алатынын айта келіп, шығармашылық зиялы қауым өкілдеріне сәттілік тіледі, сондай-ақ оларға ел тәуелсіздігін нығайтуға қосқан үлестері үшін алғысын білдірді.

Әңгіме барысында ел өмірінің мәдени-гуманитарлық саласымен қатар, қоғамдық-саяси саладағы кең ауқымды мәселелер қозғалды. Атап айтқанда, латын әліпбиіне көшу, демографиялық ахуал, көші-қон саясаты, үш тілде білім беру жүйесін енгізу, тағы да басқа мәселелер қамтылды.

Қазақстан Президенті өзінің таяуда жарық көрген «Болашаққа бағдар: рухани жаңғыру» атты мақаласының кейбір бағыты мен басымдықтарына тоқталды.

Тәуелсіздік жылдарында іске асырылған ірі шығармашылық жобалардың маңызды мәселелері талқыланды. Мәселен, Қазақстан аумағындағы тарихи-мәдени ескерткіштер мен нысандарды қалпына келтіруге септігін тигізген «Мәдени мұра» бағдарламасы, сондай-ақ әлемнің жетекші архивтерінен еліміздің тарихына қатысты құжаттарды жүйелі түрде жинақтап, талдау жүргізуге мүмкіндік берген «Халық тарих толқынында» бағдарламасы әңгімеге арқау болды.

Нұрсұлтан Назарбаев туған жерге деген сүйіспеншіліктен бастау алатын патриотизм тақырыбын жандандыру қажеттігіне назар аударды.

Соңында Мемлекет басшысы рухани жаңғыру жөніндегі қазақстандықтар алдында тұрған міндеттердің маңызы зор екеніне тоқталып, елді дамыту үшін оларды жүзеге асырудың өзектілігін атап өтті.

Дереккөз: akorda.kz





3 пікір жазылған

Пікір жазу
  1. Рустем Досымкулов 20 Сәуір, 2017, 20:27

    Үштілде білім беру емес, қазақ тілінде оқытатын мектептерді көбірек ашу керек, ал ағылшын тілі бесінші кластан пән ретінде оқытылу керек

    Жауап жазу
  2. Казакпай. 20 Сәуір, 2017, 22:44

    Уш жазушымыз президентпен оте тартымды субхаттасты.Оз басым разы болдым.Тек мактай бермей, ылги осылай курдели маселерди жии котерсениздер халыктын алгысында шек болмаседи.Жарайсындар,Рахмет КАЗАКТЫН болашагын ойлагандарына!!!

    Жауап жазу
  3. Қолқоюсыз 21 Сәуір, 2017, 00:07

    қазеке ! осы үшеуінен басқа пайдаға асатыны қалмаған сияқты ма, қалай..

    Жауап жазу

Пікір жазу

Сіз не дейсіз?
*