Қанат Ислам лақап атының жазылуын "Qazaq" деп өзгертті

Қазақ кәсіпқой боксшысы Қанат Ислам кезекті жекпе-жегіне жаттығу жұмыстарын бастады. Қарсыласы 10 күннен кейін белгілі болмақ.

Бұл туралы vesti.kz хабарлады.

- Қанат Ислам жаттығуын бастады. 10 күннен кейін келесі жекпе-жектің уақыты мен күнін және қарсыласты айтамыз. Бұл жекпе-жек те титулды жұдырықтасу болуы мүмкін. Келіссөздер жүргізілуде! – деп "Facebook" желісіндегі парақшасы хабарлады.

Сондай-ақ Қанат Исламның лақап атының жазылуы өзгерген. Енді ағылшынша "QAZAQ" деп жазылады. Осыған дейін "Kazakh" деп жазылып келген еді.