"ҚАЗАҚ ҮНІ" - ҚАЗАҚСТАНДАҒЫ ҮЗДІК ИНТЕРНЕТ САЙТ БАЙҚАУЫНЫҢ ЖЕҢІМПАЗЫ!!!

«Құрметті әке» атанған Әсет Исекешев әкімдер рейтингінің құрметті үштігіне ілінбеді

Әкімдердің рейтингі – әрдайым елдің назарында жүретін көрсеткіштердің бірі. Саясат-Monitoring тобының сарапшылары аймақ басшыларының жұмысына баға беріп, қаңтар айының нәтижелері бойынша рейтинг әзірледі деп жазады oinet.kz.

Әкімдер рейтингінде Бауыржан Байбек көш бастады

Алматы әкімі Б. Байбек

Біраз айлардан бері тізімді Алматының әкімі Бауыржан Байбек бастап келеді. Бұл жолы да оңтүстік астананың басшысы алдына жан салмады. Әлбетте, Алматының Универсиаданы жоғары деңгейде қабылдай алуы әкімнің де ұпайын түгендей түсті.

Екінші орын Ақтөбе облысының басшысы Бердібек Сапарбаевқа бұйырды. Бердібек Мәшбекұлының шетелдік инвесторлардың алдында мәймөңкелемей, мәселені төтесінен қоятын қасиеті бар. Бұл жолы да қытай компаниясын сынға алған Сапарбаев шетелдіктерден әлеуметтік жауапкершілікті сезінуін талап етті.

Қызылорда облысының әкімі Қырымбек Көшербаев үздік үштікке ене білді. Бұған белгілі деңгейде өңір басшысының Өзбекстанға жұмыс сапарымен баруы әсер еткенге ұқсайды.

Картинки по запросу асет исекешев

Астана әкімі Ә. Исекешев

Алдыңғы айдың қорытындысы бойынша екінші орын алған елорданың мэрі Әсет Исекешев бұл жолы төртінші орынға сырғыды. Жалпы, Астана әкімі қызметіне тағайындалғалы бері Исекешев рейтингтің бірінші орнына бір рет те болсын шыға алмапты.

Еске сала кетейік, есесіне «Әкелер одағы» қоғамдық кеңесі жуырда бас қаланың әкіміне «Құрметті әке» деген атақ берген болатын. Бес баланың әкесі Әсет Өрентайұлына бұл атақ демографияның дамуына қосқан үлесі үшін емес, елорда агломерациясын дамытқаны үшін берілген екен. Өкінішке орай, Астананың ең «Құрметті әкесі» бұл жолы әкімдер рейтингінің құрметті үшітігіне де енбей қалды.

Бесінші орын Жамбыл өңірін басқарып тұрған Кәрім Көкірекбаевқа бұйырды. Байбек, Көшербаев, Сапарбаевтай ауыр салмақтағы саясаткерлермен иық тірестіре алмаса да Көкірекбаевтың әкімдер корпусындағы жағдайы әзірше жаман емес.

Оңтүстіктегілер болса Жансейіт Түймебаевтың рейтингтегі жағдайына алаңдап отыратыны айтпаса да түсінікті. Жалпы, қызметке жаңадан тағайындалған әкімнің әдетте рейтингтің төменгі сатысына орналасатыны заңдылық. Түймебаевқа дейін өңірді басқарған Бейбіт Атамқұлов та алғашында аутсайдерлердің қатарында жүріп, қызметінен кетер уағында 6-орынға көтеріліп үлгерген еді. Ал Оңтүстікті алты жыл басқарған Асқар Мырзахметов бастапқыда рейтингтің бел ортасында жүрсе, кейінгі кездері үздік үштікке жиі кіретін болды.

Жансейіт Қансейітұлы әкімдер рейтінгідегі «марафонын» былтыр қараша айында 13-орыннан бастады. Желтоқсанның қорытындысы бойынша бір саты жоғарылаған ол соңғы айдың нәтижесімен 9-орынға табан тіреді. Әкімдер корпусына жаңадан кірген шенеунік үшін жаман көрсеткіш емес. Ендігі мәселе, аутсайдерлер тобынан мейлінше алыстап, үздіктер қатарына кіру. Бұған Түймебаевтың беделі мен іскерлігі жететіне ел үлкен үміт артып отыр.

Тізімнің соңында бұл жолы да Павлодардың әкімі Болат Бақауов тұр.

qazaquni.kz





3 пікір жазылған

Пікір жазу
  1. Нұрлан 9 Ақпан, 2017, 21:00

    Негізінде 3 Әкімге дұрыс баға берген, бірінші орынға Бердібек Сапарбаевты қойған дұрыс ау деймін. Астана әкімін Б.Бақауовтан кейін қою керек.

    Жауап жазу
  2. аноним 11 Ақпан, 2017, 19:14

    Өз елінде өз тілінде сөйлемей, Исекешовтің мәртебесі ешқашан жоғарыламайды.

    Жауап жазу
  3. Қарапайым қазақ. 4 Қыркүйек, 2017, 14:45

    Қазақ тілін білмейтін адам қазақ тілін менсінбейтіндігінен. Қол астындағы 1 млн-ның 800 мыңы қазақ. Бұл адам саясаткер бола алмайды. Саясаткер деп АҚШ-тың КЗ-дағы елшісін айтар едім.

    Жауап жазу

Пікір жазу

Сіз не дейсіз?
*