Валюта бағамы USD : 314.4 | EUR : 343.83 | CNY : 45.6

Уақытша тіркеуге тұрамақшы болған азамат ұзын-сонар кезекте қайтыс боп кетті (ВИДЕО)

Алматы облысының Халыққа қызмет көрсету орталығында ер адам қаза болды. Оқиға Іле ауданындағы Өтеген батыр кентінде болған деп хабарлайды NUR.KZ.

Алматы облысының Халыққа қызмет көрсету орталығында ер адам қайтыс болдыРинат Авазбакиев есімді оқиға куәгері болған жайтты баяндап, қаза болған ер адамның жасы 60-65 шамасында екенін айтты. Сонымен бірге ол шағымын да жеткізді.

«Кезекте 100-ге жуық адам тұрады. Әр адамға 20 минут уақыт кетеді деген уәде орындалмаған. Тіркеумен тек екі адам ғана айналысып отыр. Біреулер тіпті сенбіден бері тіркеле алмай әлекке түсуде. Соған қарамастан, сондағы «заң өкілдері» айыппұл саламыз деп қорқытып жүр», – дейді ер адам.

Алматы облысының ІІД 1957 жылы туған Іле ауданының тұрғыны қайтыс болғанын растады. Қазіргі уақытта құзырлы органдар ер адамның өліміне қатысты тексеріс жүргізіп жатыр. Толық ақпарат кейінірек беріледі.

Осы орайда Алматы облыстық ІІД аудандық полиция бөлімшесі жаңа заңнаманы түсіндіру жұмыстары бойынша БАҚ өкілдерімен кездесіп, уақытша тіркеуге қатысты ХҚКО-тарында келеңсіз жағдайлар туындамағанын айтқан.

Естеріңізге сала кетсек, уақытша тіркеу туралы заңды елімізде 7 қаңтардан бастап енгізді. Ал тіркелмеген азаматтарға 2017 жылдың 1 ақпанынан бастап айыппұл салына бастайды.

Уақытша тіркеуге тұрғылықты жері бойынша тіркелмеген адамдар тұруы қажет. Ішкі көші-қон мәселелерін бақылауды учаскелік полицияға жүктеп отыр. Заң бұзушыларды олар бұрыннан келе жатқан үйреншікті әдіс-тәсілдермен анықтайды.





2 пікір жазылған

Пікір жазу
  1. Ananimous.kz 11 Қаңтар, 2017, 23:36

    :zhlau:

    Жауап жазу
  2. Қолқоюсыз 12 Қаңтар, 2017, 12:00

    :zhlau:

    Жауап жазу

Пікір жазу

Сіз не дейсіз?
*