Денсаулық сақтау министрі тұрғындардан дәрігерлерге пара бермеуді өтінді

kairbekova_0108 Денсаулық сақтау министрі тұрғындардан дәрігерлерге пара бермеуді сұрады. Осылайша Салидат Қайырбекова ауруханалардағы жемқорлықпен күреспек деп хабарлайды КТК арнасы. Тіпті ақ халаттыларға пара ұсынғандардың жауапқа тартылатынын қатаң ескертті. Жемқорлыққа қарсы кеңесте денсаулық сақтау саласындағы жемқорлық сөз болды. Денсаулық сақтау министрі болса, шала сауатты дәрігерлері үшін қызарудың орнына параны беріп, жаман үйреткен науқастардың өзін кінәлады. Яғни дәрігерлердің ай сайын алатын орташа жалақысы 114 мың теңге, ауызбастырықты дәметкен емес деген сыңай танытқандай болды. Ал Қаржы полициясы биылдың өзінде министрліктің 9 қызметкеріне қатысты 15 қылмыстық іс қозғапты. Елімізге дәрі-дәрмек жеткізуші "СК-Фармация" компаниясы болса, мүлдем жүгенсіз кеткен. Отандық дәріханаларды өңкей шетелдің қымбат препараттар басып қалған. Есесіне "СК-Фармация" қазақстандық дәрі-дәрмекті сатып алу көлемін 3 млрд теңгеге қысқартып тастапты. Оның үстіне денсаулық сақтауға бюджеттен жыл сайын миллиардтар бөлінгенімен ол науқастарға жеткен емес. NUR.KZ